EUSKERA ETA ETORKINAK

Badakigunez etorkinak gure inguruan bizi diren kanpotik etorritakoak dira. Horri erreparatuta, nik uste dut gure herrian etorkinak egotea alde txarrak ekarri ditzakeela, baina batez ere alde onak badituela.

Egia esanda nik uste dut etorkinek laguntza bat direla guretzako, herrialde berri batera etortzen direnean herrialde horretako hizkuntza ikasi eta menperatu behar dute, gure artean integratu ahal izateko. Horregatik nik uste dut oso garrantzitsua dela etorkinek gure hizkuntza ikastea, horrela euskera zabaldu ahal litzateke eta behar zaion garrantzia eman ahalko litzateke.

Agian kalean eta ez soilik ikastolan erabiliko bagenu, adibidez zineman, zentro komertzialetan, jatetzeetan eta beste zenbait leku publikoetan euskera gehiago erabiliko bagenu lagungarria izango litzateke etorkinentzako.

Beste propasamen bat izango litzateke eskolatik kanpo egiten diren kirolak edo horrelakoak euskaraz egitea, etorkinei laguntzeko asmoarekin. Edota edozein ospakizunetan, adibidez bilboko jaietan edota edozein festetan euskaraz abesten duten taldeak kontratatzea.

Era berean, liburu gehiago euskeraz idaztea  edo euskera errazago bat erabiltzea etorkinentzako. Edota telebistan edo irratian euskerazko programak eta marrazki bizidunak ikustea eta entzutea, adibidez gazteak edo betizu edo dana dalakoa lagungarria izan liteke.

Baita ere kiroletan, adibidez futbolean Athletic taldeko jokalariek edota UBBko zazkibaloi jokalariek euren entrebistetan euskaraz mintzatzea eta partiduetako komentariztek ere euskaraz aritzea.

Ikusi dugunez, ideia asko bururatu ahal zaizkiguke etorkizunei euskara ikastea laguntzeko asmoarekin, baina arazoa da, gu geuk eman behar dogula pausu hori, euskaraz mintzatzen dakigonuk ez baldin badugu euskeraz hitz egiten, nork egingo du orduan?