GAZTEOK ETA ZINEMA

“Lo imposible” filma kaleratu zutenean ikusteko irrikan nengoen, baina ez neukan diru nahikorik joan ahal izateko. Pasaden astean, azkenean, ikusteko aukera izan nuen; baina lau astez aurrezten egon nintzen lortu ahal izateko.

Gazteok ez dugu lanik egiten, edo gehiengoek gutxienez ez, eta lanarekiko egoera ez digute kontuan hartzen.  Lan egiten duen norbaitek beste ordaindu behar dugu, ez dago eskubiderik.

Gazte txartela eskura dezakegu , horren ondorioz beherapen handia dagokigu , baina erabilera murriztua du; bakarrik balio du astean zehar joateko, ostiraletan  eta jai egunetan  deskontua izateko aukerarik gabe gelditzen gara. Astean zehar, lan egunetan,   ikasten egoten gara, edo eskolaz kanpoko jarduerak egiten, ez daukagu zinemara joateko astirik; beraz ez digu  ezertarako balio beherapen  horrek. Langileek, ostera, aisialdia daukate, eta ikusle egunari  probetxu atera   diezaiokete.

Gurasoek kulturaren aldeko ekintzetan gu partehartzaileak izatea gustuko dute. Hori dela eta errazagoa ohi da zinemarako dirua lortzea dantzalekura edo horrelako tokietara joateko baino. Dena den, irtenbidea ez da horretan datza. Guk jasotzen dugun asteko eskupekoarekin antolatu behar ditugu gure gastuak, eta gehiago eskatzearekin ez gaude ados. Zer dakar horrek? Zinemara joan nahi dugunean bi aukera ditugu: gehiago eskatzea edo itxarotea. Biak desegokiak edonola aztertuta. Gurasoek ez dute zertan gastatu diru gehiagorik . Eta  filma ikustera  joateko garaia  luzatzeak arriskuak ditu, azken boladan filmen emanaldiek epe laburra diraute.

Neurriak hartzeko sasoia heldu dela iruditzen zait, ez da bidezkoa  film bat ikusteagatik zortzi euro eta erdi ordaintzea. Gobernuak soluziorik  bilatzen ez duenez bakoitzak konponbide desberdina aurkitzen du: azken urteotan, nahiz eta pirateria egokia izan ez , jendeak  internetetik jaisten ditu filmak, eta prezio horiekin ohitura hori areagotuko da.

Ondo legoke gazteongan pentsatzen hastea, gizartearen larrialdi ekonomikoa ikusita ondoko proposamen hau bururatu  zait:  30 euro ordainduz  zinemarako txartel berezia eskaintzea . Horrek aukera ematea bost pelikula ikusteko urtean zehar, nahi izandako  egunetan, salbuespenik gabe. Ekitaldira gazte gehiago bertaratzea lortuko litzateke, eta horrekin batera kultura ekintza zabalago eskuratuko genuke.

Geroxeago neurriaren ebaluazioa egin beharko litzateke: ea gazteok erabili dugun eta ea zinemaren egoerak hobera egin duen gazteon parte hartzearekin.

Neurririk hartu ezean kontrako eragina izango genuke : zinema luxuzko ekintza bihur liteke eta gazteok ezin joan.

Nagore Cuesta Esnaola